اب کے برس بھی میں نے لکھا اس کے نام کا دیباچہ
جس نے میرے ذکر سے خالی رکھے اپنے باب تمام

لمحہ لمحہ نظر آتا ہےکبھی اک اک سال
کبھی لمحے کیطرح سال گزر جاتا ہے
کبھی نرمی، کبھی سختی،کبھی عجلت،کبھی دیر
وقت اے دوست بہرحال گزر جاتا ہے

شاید اس سال شکستہ ہوں مصائب کی سلیں
شاید اس سال صحراؤں میں کچھ پھول کھلیں
راہ ہستی کے دوراہے پہ اچانک اک دن
شاید اس سال ہی بچھڑے ہوئے آن ملیں

شاید اس سال شکستہ ہوں مصائب کی سلیں
شاید اس سال صحراؤں میں کچھ پھول کھلیں
راہ ہستی کے دوراہے پہ اچانک اک دن
شاید اس سال ہی بچھڑے ہوئے آن ملیں

نہ جانے کیا ہوا ہےسال بھر میں
دیا روشن کہ مدھم ہو گیا ہے
ہمیں معلوم ہے اتنا کہ اک سال
ہماری عمر سے کم ہو گیا ہے

اُس کی یادوں میں گزرا یہ سال جیساہے
بتا اے گردش دوراں یہ جال کیسا ہے
میں اپنی ضبط کی ہرحد کو چھو رہی ہوں بتا
میرے فراق میں اب تیرا حال کیسا ہے؟

کاش بدلے ملال کا موسم
سبز ہو اگلے سال کا موسم

پھول ہی پھول ہو زمیں ساری
دشت پہنے کمال کا موسم

امن ہو ، آشتی ہو ہر جانب
ختم ہو اب یہ قال کا موسم

رنگ ہی رنگ ہوں جدھر دیکھوں
پھر نہ آئے یہ حال کا موسم

آنکھ دیکھے نہ اے خدا میری
پھر سے وہ پچھلے سال کا موسم

اس برس کا بھی نام ہم نے تو

تیری یادوں کا سال رکھا ہے

لوگوں نے جشن رات نئے سال کا کیا

ہم اپنے گھر میں تیرے لیئے سوچتے رہئے

اتنا ہی یاد رکھ مجھے

جیسے کسی کتاب میں

بیتے دنوں کے دوست کا

اک خط پڑا ہوا ملے

لفظ مٹے مٹے سے ہوں

رنگ اڑا ڑا سا ہو

لیکن

وہ اجنبی نہ ہو۔۔۔۔۔۔۔

تیری جستجو, تیرا انتظار اور اکیلا میں

تھک کے مسکرا دیا جب جب میں رو نہیں پایا

میں نے آدھی رات سے پہلے

شعر کا پہلا مصرعہ لکھا

میرے گُونگے لہجے نے

تُجھکو کتنی آوازیں دیں!

تیرا ساتھ ادھورا پا کر

مصرعہ قبر میں گاڑ دیا

میں نے کاغذ پھاڑ دیا

محشر میں وہ نادم ھو خدا یہ نہ دکھائے

آنکھوں نے کبھی اس کو پشیماں نہٰں دیکھا

پھر آج ترے دروازے پر، بڑی دیر کے بعد گیا تھا مگر ۔۔۔۔

اِک بات اچانک یاد آئی، میں باہر ہی سے لوٹ آیا ۔۔۔۔۔

نجانے کون ہے جس کی تلاش میں ناصر

میرا ہر اک سانس اب سفر میں رہتا ہے !

تو محبّت کی غرض لمحہ موجود سے رکھ

ترے ذمّے نہ مرے درد پرانے لگ جائیں

یہ محبّت نہ کہیں ردِ عمل بن جائے

ہم ترے بعد کوئی ظلم نہ ڈھانے لگ جائیں

سنو ،

تم وه دعا هو

جو مان گى جاتى هے

سخت گرميوں ميں

بارشوں كے لئے ... .

جانے کن غم کے جگنوؤں کو چھپائے رکھتی ہے مٹھیوں میں

کئی دنوں سے اداس رہتی ہے ایک لڑکی سہیلیوں میں

وہ جو تم تھے وہ مر گئے مجھ میں

میرے اندر تھی ایسی تاریکی

آ کے آسیب ڈر گئے مجھ میں

میں نے چاہا تھا زخم بھر جایئں

زخم ہی زخم بھر گئے مجھ میں

پہلے اُترا میں دل کے دریا میں

پھر سمندر اُتر گئے مجھ میں

کیسا خاکہ بنا دیا مجھ کو

کون سا رنگ بھر گئے مجھ میں

پھر اُسکی ہر ادا سے چھلکنے لگا ۔۔۔۔۔۔۔ خلُوص

جب مُجھکو اعتبار کی ۔۔۔۔۔۔۔۔ عادت نہیں رہی 

پھر اُسکی ہر ادا سے چھلکنے لگا ۔۔۔۔۔۔۔ خلُوص

جب مُجھکو اعتبار کی ۔۔۔۔۔۔۔۔ عادت نہیں رہی 

نام بنانے والی لڑکی!

نام بنانے والی لڑکی ...

نام بنانے نِکلی تھی وہ ...

کومل نازک سی اِک لڑکی ...

نام کمانے کی خاطر وہ ...

نام بدل کر نِکلی تھی جو ...

کتنا اُس کوبولا تھا یہ...

نام بنانا ٹھیک نہیں ہے!!

پر اُس کو شوق تھا جانے دُنیا...

(نام اُس کا پہچانے دُنیا!)

اُلفت ساری خون ہوئی ہے!

صورت، جو تھی پھول، گئی ہے!

سر پر مٹی دھول گئی ہے!!

شاخ پکڑ کر خار بھری وہ ۔۔۔

جُھول بہانے جُھول گئی ہے!!

نام بنانے والی لڑکی ۔۔۔

نام بچانا بھول گئی ہے!!!

(شاعر: سید مزمل احمد سیاہ)

دل لے کے میرا دیتے ہو داغِؔ جگر مجھے

یہ بات بھولنے کی نہیں عمر بھر مجھے

مجھ کو کہنے دو کہ میں آج بھی جی سکتاہوں

عشق ناکام سہی، زندگی ناکام نہیں

میں تیرے شہر سے گزرا تو کچھہ عجب سا لگا

ہر ایک موڑ پہ ناکام حسرتوں ......کا ہجوم

ہر ایک رہ میں مقروض خواہشوں کی قطار

ہر اک قدم پہ شکستہ ندامتوں کے .... مزار

ہر ایک آنکھہ میں مرگ تعلقات کا سوگ

ہر ایک روش پہ رواں جستجوے رزق میں لوگ

تمام لوگ وہی لوگ تھے کہ جن سے کبھی

نظر چرا کے گزرتا تھا میں ہوا کی طرح

تمام ساۓ میری آنکھہ میں بکھرتے تھے

کسی قریب کی بستی کے آشنا کی طرح

میں تیرے شہر سے گزرا تو کچھہ عجب سا لگا

کہ جیسے شہر وہی ہے ،وہی نہی ہے مگر

کوئی گلی،کوئی منظر،کسی روش کا مزاج

جبیں خاک میں پیوست ہیں فراق کے داغ

فضاے زرد کے ساۓ میں احتیاط کے ساتھہ

اجاڑ بام پہ جلتا ہوا...............اداس چراغ

ہوا سے پوچھہ رہا تھا .....اک اجنبی کی طرح

میرے سفر کا سبب ،تیرے ہمسفر کا سراغ

ہر اک سوال مجھے کتنا بے سبب سا لگا

میں تیرے شہر سے گزرا تو کچھہ عجب سا لگا

Wasl o firaaq kya bhala ? Waqt toh seh lia gaya
Uski guzar toh ho gayi, meri basar toh ho gayi !

John Elia

کسی پہچان کی نظر سے یہاں

اصل چہرے کہاں گزرتے ہیں

زندگی میں تمام چیزوں کو

ہم فقط فرض ہی تو کرتے ہیں

(جون ایلیا)

تم سے بچھڑ کر کیا ہوں میں ۔ ۔ ۔

اِک ادھوری نظم کا مصرہ ۔ ۔ ۔

یا کوئی بیمار پری نما ۔ ۔ ۔

کاپی میں اِک ذِندہ تِتلی ۔ ۔ ۔

یا اِک مُردہ پیلا پتا ۔ ۔۔

آنکھ ہوں کوئی خواب ذدہ سی ۔ ۔ ۔

یا آنکھوں میں ٹوٹا سپنا ۔ ۔ ۔

پلکوں کی دیوار کے پیچھے ۔ ۔

پا گل قیدی یا اِک آنسو ۔ ۔ ۔

دھوپ میں لِپٹا لمبا صحرا ۔ ۔ ۔

یا کوئی بھولا بسرا وعدہ ۔ ۔ ۔

تم ہی بَتاو ۔ ۔ ۔ ۔

تم سے بچھڑ کے کیا ہوں میں ۔ ۔ ۔

اِک پرانی قبر کا کُتبہ ۔ ۔ ۔

یا اک مرقوت دعا ۔ ۔ ۔

تم سے بچھڑ کے کیا ہوں میں ۔ ۔

تم میری عمر کے سمندر میں

ذندگی کا آخری جزیرہ ھو

کیا ضروری ہے باخبر ٹھہریں

آگہی بھی عذاب ہوتی ہے

میں بھی کچھ خوش نہیں وفا کر کے

تم نے اچھا کیا نباہ نہ کی

دیکھیں اس پر کیا اُگتا ہے؟

تیرے خط دفنا آیا ہوں 

تشنگی ختم ہی نہیں ہوتی

یہ محبت کھارا پانی ہے

وہ بھی بگڑے رہے اور ہم سے بھی منت نہ ہوئی

رات بھر دونوں بلا فائدہ بیدار رہے 

اس نے تو دل سے نکالا تها مگر چپکے سے 

ہم دبے پاٶں کہانی سے نکل آےء ہیں

لوگ کہتے ہیں محبت میں اثر ہوتا ہے

کون سے شہر میں ہوتا ہے کدھر ہوتا ہے...؟

بنا کر فقیروں کا ہم بھیس غالب

تماشاۓ اہل کرم دیکھتے ہیں

بادلوں کی اوٹ میں چھپتا ہوا چاند

رقص کرتی ہوا کی سرگوشیاں

رات کے اس پہر سمندر کنارے،

تنہا کسی کی یاد میں بیٹھے رہنا

دیر تلک..

ہے محبت حیات کی لذت

ورنہ کچھ لذتِ حیات نہیں

کیا اجازت ہے ایک بات کہوں ؟

وہ ۔۔۔۔۔۔ مگر خیر کوئی بات نہیں

دھند چھائی ہوئی ہے جھیلوں پر

اُڑ رہے ہیں پرند ٹیلوں پر

سب کا رُخ ہے نشیمنوں کی طرف

بستیوں کی طرف بنوں کی طرف

اپنے گلوں کو لے کر چرواہے

سرحدی بستیوں میں جا پہنچے

دلِ ناکام! میں کہاں جاؤں؟

دلِ ناکام! میں کہاں جاؤں

میں شاید تم کو یکسر بھولنے والا ہوں

شاید، جانِ جاں شاید

کہ اب تم مجھ کو پہلے سے زیادہ یاد آتی ہو

ہے دل غمگیں، بہت غمگیں

کہ اب تم یاد دل وارانہ آتی ہو

شمیم دور ماندہ ہو

بہت رنجیدہ ہو مجھ سے

مگر پھر بھی

مشامِ جاں میں میرے آشتی مندانہ آتی ہو

جدائی میں بلا کا التفاتِ محرمانہ ہے

قیامت کی خبر گیری ہے

بےحد ناز برداری کا عالم ہے

تمہارے رنگ مجھ میں اور گہرے ہوتے جاتے ہیں

میں ڈرتا ہوں

میرے احساس کے اس خواب کا انجام کیا ہوگا

یہ میرے اندرونِ ذات کے تاراج گر

جذبوں کے بیری وقت کی سازش نہ ہو کوئی

تمہارے اس طرح ہر لمحہ یاد آنے سے

دل سہما ہوا سا ہے

تو پھر تم کم ہی یاد آؤ

متاعِ دل، متاعِ جاں تو پھر تم کم ہی یاد آؤ

بہت کچھ بہہ گیا ہے سیلِ ماہ و سال میں اب تک

سبھی کچھ تو نہ بہہ جائے

کہ میرے پاس رہ بھی کیا گیا ہے

کچھ تو رہ جائے

تمہارے اور میرے درمیاں اک بات ہونا تھی

بِلا کا دن نکلنا تھا بَلا کی رات ہونا تھی

بلا کا دن بھی نکلا اور بَلا کی رات بھی گزری

عذابِ ذات بھی گزرا فنائے ذات بھی گزری

مگر معلوم نامعلوم میں جانے نہ جانے کیوں

تمہارے اور میرے درمیاں وہ بات جانم جاں

کسی صورت نہ ہو پائی کسی صورت نہ ہو پائی

میرے دل اور میری جان کے گزرے زمانے کیوں

تمہارے اور میرے درمیاں اک بات ہونا تھی

مر چکا ہے دل مگر زندہ ہوں میں

زہر جیسی کچھ دوائیں چاہییں

پوچھتی ہیں آپ ، آپ اچھے تو ہیں

جی میں اچھا ہوں ، دعائیں چاہییں۔

جون ایلی

اب کسی سے میرا حساب نہیں

میری آنکھوں میں کوئی خواب نہیں

نوچ پھینکے لبوں سے میں نے سوال

طاقتِ شوخیءِ جواب نہیں

تم سے جو میری جانِ جاں تھیں فارہہ
کون تھیں تم اور کہاں تھی فارہہ
ہوں میں اب اور اک جہانِ نا شناس
تم ہی بس میرا خیال تھیں فارہہ
کیا ہوا وہ رودِ خوابِ جاں کہ تم

جس میں دست و پا زناں تھیں فارہہ
میں غریقِ رودِ زہرِ ناب ہوں
تم جو تھیں نوشیں زباں تھیں فارہہ
اور کہہ سکتا ہوں کیا میں یعنی میں
تم زمین و آسماں تھیں فارہہ
اب تو میں ہوں خزاں اندر خزاں
تم بہارِ بے خزاں تھیں فارہہ
اب میں ہوں خانہ بدوش اور تم مرا
اک مکانِ جاوداں تھیں فارہہ
میں تھا میرِ داستاں یعنی کہ تم
داستانِ داستاں تھیں فارہہ
کیا بھلا میرا وجود اور کیا عدم
تم *نہیں* تھیں اور *ہاں* تھیں فارہہ
ہاں میں شاید تھا بہت نا مہرباں
تم بَلا کی مہرباں تھیں فارہہ
تھی وہ اپنی درمیانی بھی عجیب
یعنی تم نا درمیاں تھیں فارہہ
کیوں نہ تھوکا جائے اب خونِ جگر
یعنی تم میرا زیاں تھیں فارہہ
ہائے وہ بادِ برینِ سبز کوک
پر تم اک رودِ دُخاں تھیں فارہہ
کیسی خوش بینی خوش اُمیدی کہاں
تم تو حشر بے اماں تھیں فارہہ
کچھ نہیں تھیں تم نہیں تھیں کچھ بھی تم
پر مرا ہندوستاں تھیں فارہہ
سب کنیزیں تھیں تمہاری جانِ من
تم مری نورِ جہاں تھیں فارہہ
جو بدل ٹھہریں تمہارا وہ سبھی
کتنی گھٹیا لڑکیاں تھیں فارہہ
میں جو ہوں اب میں ہوں بے نام و نشاں
تم مرا نام و نشاں تھیں فارہہ
تم نوائے جاودانِ جاں ہو جاں
تم نوائے جاوداں تھیں فارہہ
ایک دل تھا جو کہ تھا اور ایک جاں
اور تم ان کے درمیاں تھیں فارہہ
میں تمہیں میں ٹھوکریں کھاتا رہا
کیوں تم اتنی مہرباں تھیں فارہہ
اک جہانِ بے جہانِ خواب تھا
اور تم اس کا آسماں تھیں فارہہ
میں نے تم کو اپنے دل کا گھر دیا
تم جو تھیں بے خانماں تھیں فارہہ
شکوہ ہا شوریدگی ہا شور ہا
تم بہت کمتر گماں تھیں فارہہ

O

اب مجھے آزاد کر دو چھوڑ دو
جان و دل کے سارے رشتے توڑ دو
جب کوئی منزل نہیں میری تو پھر
رُخ کسی جانب بھی میرا موڑ دو

O

کچھ نہیں تھا کیا حقیقت کا خیال
صرف افسانے تھے ممکن اور محال
اک *عبث* میں خونِ دل تھوکا گیا
کوئی بھی حالت نہیں تھی اور حال

O

اک گمانِ بے گماں ہے زندگی
داستاں کی داستاں ہے زندگی
دَم بہ دَم ہے اک فراقِ جاوداں
اک جبیں بے آستاں ہے زندگی
کہکشاں بر کہکشاں ہے اک گریز
بودِ بے سود و زیاں ہے زندگی
ہے مری تیرہ نگاہی اک تلاش
تم کہاں ہو اور کہاں ہے زندگی

O

دل تھا درہم اور برہم رایگاں
تھے تمہاری زُلف کے خم رایگاں
اپنی ساری آرزوئیں تھیں فریب
اپنے خوابوں کا تھا عالم رایگاں
جونؔ شاید کچھ نہیں کچھ بھی نہیں
ہے دوام اک وہم اور دم رایگاں
زندگی بس رایگانی ہی تو ہے
میں بہت خوش ہوں کہ تھے ہم رایگاں
ہم رَسا اور نارسا کچھ بھی نہ تھے
یعنی جونؔ و فارہہ کچھ بھی نہ تھے

تم سے منزل کا نہیں رشتہ سفر کا ہے میرا
دھیان جاتا ہی نہیں ہےتمہیں پانےکی طرف

لوگ کہتے ہیں کہ بس فرض ادا کرنا ہے

ایسا لگتا ہے کوئی قرض لیا ہو رب سے

اب میرے پاس تُم آئی ہو ، تو کیا آئی ہو

میں نے مانا کہ تم اِک پیکرِ رعنائی ہوچمنِ دہر میں روحِ چمن آرائی ہوطلعتِ مہر ہو ، فردوس کی برنائی ہوبِنتِ مہتاب ہو ، گردوں سے اُتر آئی ہو

مجھ سے مِلنے میں اب اندیشہءِ رُسوائی ہےمیں نے خود اپنے کیے کی یہ سزا پائی ہے

خاک میں، آہ، ملائ ہے جوانی میں نےشعلہ زاروں میں جلائی ہے جوانی میں نےشہرِ خوباں میں گنوائی ہے جوانی میں نےخواب گاہوں میں گنوائی ہے جوانی میں نے

حُسن نے جب بھی عنائت کی نظر ڈالی ہےمیرے پیمانِ محبت نے سِپر ڈالی ہے

اُن دِنوں مُجھ پے قیامت کا جُنوں طاری تھاسَر پے سرشاری و عِشرت کا جُنوں طاری تھامہ پاروں سے محبت کا جُنوں طاری تھاشہر یاروں سے رقابت کا جُنوں طاری تھا

بِسترِ مخمل و سنجاب تھی دُنیا میریایک رنگین و حسیں خواب تھی دُنیا میری

کیا سُنو گی میری مجروح جوانی کی پُکارمیری فریادِ جِگر دوز میرا نالاءِ زارشِدتِ کرب میں ڈوبی ہوئی میری گُفتارمیں کہ خود اپنے مذاقِ طرب آگیں کا شِکار

وہ گُدازِ دلِ مرحوم کہاں سے لائوں؟اب میں وہ جذبہءِ معصوم کہاں سے لائوں؟

اب میرے پاس تُم آئی ہو، تو کیا آئی ہو

غم ہے یا خوشی ہے تو

میری زندگی ہے تو

آفتوں کے دور میں

چین کی گھڑی ہے تو

...

میری رات کا چراغ

میری نیند بھی ہے تو

میں خزاں کی شام ہوں

رت بہار کی ہے تو

دوستوں کے درمیاں

وجہ_ دوستی ہے تو

میری ساری عمر میں

ایک ہی کمی ہے تو

میں تو وہ نہیں رہا

ہاں مگر وہی ہے تو

ناصر اس دیار میں

کتنا اجنبی ہے تو

ناصر کاظمی

جاتے جاتے وہ کس لئے پلٹا
اب ستاۓ گا یہ سوال مجھے

4

تم ہارنے کا سوچ کے میداں میں آئے ہو 
اب میں بھی جیت جائوں ےو میری شکست ہے

پستوں میں ہم بلند ہُوئے بھی تو کیا ہُوئے
ہم سے بلند وہ جو بلندوں میں پست ہے

جس طرح لوگ خسارے میں بہت سوچتے ہیں
آج کل ہم تیرے بارے میں بہت سوچتے ہیں
نانا کوثر

سب کچھ خُدا سے مانگ لیا تُجھ کو مانگ کر
اُٹھتے نہیں ہیں ہاتھ مِرے ، اِس دُعا کے بعد

صبر کی منزلوں میں ہوں نالۂ نارسا نہیں!!
اُس کی دعا ہو مسترد جس کا کوئی خدا نہیں

میرے بغیر ہے ویران اب تیری جنت
زمین پر تجھے کس نے کہا اتار مجھے

کسی نے اہلِ ستم سے تو اک حرف نہ کہا
سبھی نے مجھ سے کہا، تُو ہی حوصلہ کرتا

ہم اتنا چاہتے تھے ایک دوسرے کو ظفر
میں اس کی اور وہ میری مثال ہو کے رہا

کبھو تک کے در کو کھڑے رہے کبھو آہ بھر کے چلے گئے
ترے درپہ جو ہم آئے بھی تو ٹھہر ٹھہر کے چلے گئے
(مصحفی)

تم آسماں کی بلندی سے جلد لوٹ آنا
مجھے زمیں کے مسائل کی بات کرنی ہے

تم غزل ہو غزال ہو کیا ہو ؟
دشت آباد ہوگیا میرا !!

یہ بھی ہوگا وہ مجھے دل سے بھلا دے گا مگر !!!!
یوں بھی ہوگا خود اُسی میں اک خلا رہ جائے گا

ہمارے لب تو دُعائیں جلائے رکھتے ہیں
پر آسماں پہ وہی سردیوں کا موسم ہے

تو انتخاب رنگ میں مصروف رہا اور کوئی
ترے جنوں میں سیاہ پوش ہوگیا

میرا دکھ یہ ہے میں اپنے ساتھیوں جیسا نہیں 
میں بہادر ہوں مگر ہارے ہوئی لشکر میں ہوں

سینے میں مرے زہر اترنے نہیں دیتے 
زندہ رہیں وہ لوگ جو مرنے نہیں دیتے
احمد نوید

غور سے دیکھ تِرے ساتھ چلی آئی ہیں !!
تیرا جانا مِری آنکھوں کو گوارہ ہی نہ تھا
یاسمین حبیب

عشق مجھ کو نہیں وحشت ہی سہی
میری وحشت تیری شہرت ہی سہی۔۔