دن نکلے تو سوچ الگ ، شام ڈھلے وجدان الگ
امید الگ ، آس الگ ، سکون الگ ، طوفان الگ

تشبیہ دوں تو کس سے ، کہ تیرے حسن کا ہر رنگ جدا
نیل الگ ، زمرد الگ ، یاقوت الگ ، مرجان الگ

تیری الفت کے تقاضے بھی ، عجب انداز کے تھے
اقرار الگ ، تکرار الگ ، تعظیم الگ ، فرمان الگ

گر ساتھ نہیں اب دے سکتے ، تو بانٹ دو یک جان لمحے
مسرور الگ ، نڈھال الگ ، پر کیف الگ ، پریشان الگ

وقت رخصت الوداع کا ......... لفظ جب کہنے لگے
آنسو الگ ، مسکان الگ ، بیتابی الگ ، ہیجان الگ

جب چھوڑ گیا تب دیکھا ........ رنگ اپنی آنکھوں کا
حیران الگ ، پشیمان الگ ، سنسان الگ ، بیابان الگ